PWRPAS YR ADRODDIAD

Cyflwyno sefyllfa ragamcanol y gwariant refeniw a chyfalaf, fel yr oedd pethau ar 30 Medi 2020.

CRYNODEB GWEITHREDOL

Yn ei gyfarfod ar 16 Rhagfyr 2019, fe wnaeth yr Awdurdod gymeradwyo cyllideb refeniw a oedd yn werth £35.9m. Y sefyllfa alldro a ragwelir o hyd yw y bydd yr Awdurdod yn adennill y costau o gymharu â’r gyllideb hon.

Ar 16 Rhagfyr 2019, fe wnaeth yr Awdurdod gymeradwyo cyllideb gyfalaf a oedd yn werth £4.1m. Oherwydd y cyfyngiadau yn sgil pandemig Covid 19, cafodd hyn ei adolygu a’i newid i £1.0m.

ARGYMHELLION

Gofynnir i’r Aelodau:

(i) nodi’r sefyllfaoedd drafft o ran alldro refeniw a chyfalaf, fel sydd yn yr adroddiad; a

(ii) cymeradwyo’r cais i ailgysoni’r gyllideb.

SYLWADAU’R PANEL GWEITHREDOL/PWYLLGOR ARCHWILIO

Nid yw’r Aelodau wedi ystyried yr adroddiad hwn o’r blaen. 

CEFNDIR

Mae’r adroddiad hwn yn rhoi gwybodaeth am sefyllfa alldro drafft y gwariant refeniw a chyfalaf ym mlwyddyn ariannol 2020/21.

GWYBODAETH

Y Gyllideb refeniw

Mae’r tabl isod yn nodi sefyllfa alldro’r refeniw drafft ar gyfer blwyddyn ariannol 2020/21. Mae’n dangos sefyllfa lle adenillir costau o gymharu â’r gyllideb sy’n £35.942m.

Costau Gweithwyr

Ar gyfer blwyddyn ariannol 2020/21, y gyllideb ar gyfer gwariant yn ymwneud â’r gweithwyr yw £27.18m, sef 76% o’r gwariant gros. Y rhagolwg alldro drafft yw £0.79m o danwariant. Mae hyn yn gysylltiedig â nifer sylweddol o swyddi gwag o ran prentisiaid diffoddwyr tân a phrentisiaid diogelwch tân busnesau, diffoddwyr tân wrth gefn a swyddi cefnogol eraill. Oherwydd pandemig Covid 19, ni fu modd symud ymlaen â’r gwaith recriwtio er bod y swyddi hyn yn hollbwysig er mwyn cyflawni amcanion yr Awdurdod.

Roedd y broses o osod y gyllideb yn cynnwys rhagdybiaeth mai 2% fyddai’r dyfarniadau cyflog i’r holl staff. Cafodd y dyfarniadau cyflog eu pennu’n derfynol yn ystod mis Awst a mis Medi, a’r cytundeb oedd 2.75% i staff Cynllun Pensiwn Llywodraeth Leol (llyfr gwyrdd) a 2% i staff diffodd tân (llyfr llwyd). Ar gyfer 2020/21, bu modd talu’r costau ychwanegol drwy wneud arbedion yn ystod y flwyddyn oherwydd swyddi gwag.     

Safleoedd

£2.46m yw’r gyllideb ar gyfer safleoedd, a rhagwelir £0.27m o orwariant. Mae’r prif feysydd gorwariant yn cynnwys ffi am adrethi busnes yn deillio o newid prisiad wedi’i ôl-ddyddio, a chostau yn ymwneud â gwariant ar adeiladau yn gysylltiedig â phandemig Covid 19.

Cludiant

£1.0m yw’r gwariant amcanol ar gostau’n ymwneud â chludiant, sy'n cyd-fynd yn fras â’r gyllideb. Mae’r gorwariant yn ystod y flwyddyn yn cynnwys costau ychwanegol oherwydd gofynion deddfwriaethol yn ymwneud â chael teiars newydd, ynghyd â chostau yn deillio o addasiadau angenrheidiol i sicrhau bod gwasanaeth yn parhau yn ystod pandemig Covid 19.

Cyflenwadau

£5.89m yw’r gwariant amcanol ar gyflenwadau, sef £0.87m o orwariant o gymharu â’r gyllideb. Mae hyn yn cynnwys costau uwch ar gyfer trwyddedau cyfrifiaduron, cynnal a chadw cyfrifiaduron, yn ogystal â chostau uwch ar brosiectau trawsnewid sy’n cynnwys gweitho ystwyth a lefelau uwch o gyfarpar PPE o ganlyniad i bandemig Covid 19.   

Ariannu Cyfalaf 

£2.84m yw’r gyllideb ar gyfer ariannu cyfalaf. Mae costau ariannu cyfalaf yn cynnwys codi ar y refeniw am ddibrisio a hefyd am gost benthyca. Rhagwelir £0.18m o danwariant, sy’n adlewyrchu’r gostyngiadau yn rhaglenni cyfalaf 2019/20 a 2020/21. Mae hyn yn rhagweld y bydd y cyfraddau llog yn aros ar y lefel bresennol. 

Incwm

£2.57m yw’r gyllideb incwm, ac mae £2.21 o’r swm hwnnw yn gysylltiedig ag arian grant. £0.41 yw’r incwm a ragwelir (ac eithrio grantiau), ac mae £0.17 o hwnnw yn gysylltiedig â’r Fforwm Lleol Cymru Gydnerth.

Arian Grant Refeniw

Dyma ddadansoddiad o’r arian grant ar gyfer 2020/21.

Y Gyllideb Refeniw Ddiwygiedig

Yn ystod y flwyddyn bu’n rhaid adolygu dyraniad y gyllideb dan y penawdau incwm a gwariant. Mae’r tabl isod yn rhoi manylion y cyllidebau gwreiddiol a diwygiedig. Rhagwelir y bydd angen newidiadau pellach yn ystod y flwyddyn ariannol i adlewyrchu’r heriau parhaus yn sgil pandemig Covid 19.

Y RHAGLEN GYFALAF

Mae’r Awdurdod wedi cymeradwyo rhaglen gyfalaf sy’n werth £4.09m. Oherwydd pandemig Covid 19, bu’n rhaid adolygu a diwygio’r rhaglen gyfalaf er mwyn adlewyrchu’r prosiectau y gellir eu cyflawni yn ystod y flwyddyn.  

£1.0m yw’r alldro amcanol ar gyfer y rhaglen gyfalaf.

Ers i’r rhaglen gael ei diwygio, mae prosiectau ar gyfer gwaith adeiladu a pheiriannau tân wedi cael eu gohirio oherwydd pandemig Covid 19. 

Cafwyd oedi mewn rhai cynlluniau TGCh oherwydd bod gwaith y tîm TGCh wedi cael ei ailflaenoriaethu er mwyn rheoli’r trawsnewid i weithio o bell. Mae cynlluniau eraill wrthi’n cael eu hadolygu, ac ni ddisgwylir iddynt arwain at gostau cyfalaf yn 2020/21.

Rhagwelir y bydd y cynlluniau gohiriedig yn cael eu cwblhau yn 2021/22.

GOBLYGIADAU